ANKUR

ANKUR

Andekhi hai ,anjani hai.

Adbhut hai,nurani hai .

Jo kuch hai  wo,

Jaisi bhi hai,

               Pyar ki pehli nishani hai .

Na socha tha, na chaha tha,

Na ropa tha , na boya tha .

Pyar ke behte dariya se ,

Dhire se ankur foot pada .

Kuch samajh sake na  soch sake

Use chahe se bhi na rok sake .

Jane kya sammohan tha,

Na nanhi kopal ko tod sake.

Dhire se ek ehsas naya ,

Hum sab ko jhakjhor gaya.

Uske aane ki aahat se ,

Aya jiwan me mod naya.

Din rain khayal base man me ,

Aa jao tumhara swagat hai.

Prem pratik amar ho jao ,

Hum sabki ye chahat hai.

Jo bhi ho tum,

Jaisi bhi ho,

Mere man ki panchi ho.

Armano ki raag bajaye,

Wo hriday patal ki banshi ho……..